គន្លឹះងាយៗក្នុងការកំណត់ថាទារកបៅទឹកដោះម្ដាយឆ្អែត ឫ មិនទាន់ឆ្អែត

ម៉ាក់ៗថ្មីថ្មោងអាចនឹងពិបាកកំណត់ថា កូនបៅបានកម្រិតណា។ តើគាត់បៅឆ្អែត ឫ នៅ?​ គន្លឹះខាងក្រោមនេះ ជាតិចនិកក្នុងកំណត់ថាកូនបៅបានគ្រប់គ្រាន់ ឫ យ៉ាងណា៖

• កូនបៅញឹកញយ ជាទូទៅចន្លោះពី ០8 ទៅ 12 ដង ក្នុងមួយថ្ងៃ
• កូនសប្បាយរីករាយក្រោយបៅរួច និងអាចប្រលែងក្បាលសុដន់បានដោយខ្លួនឯង
• ទារកមានកម្លាំងគ្រប់គ្រាន់
• នៅបួនខែដំបូង ទារកអាចឡើងទម្ងន់ប្រហែល 155 g ទៅ 240g ក្នុងមួយសប្ដាហ៍
• ទារកចាប់ផ្ដើមជុះមក មានពណ៌លាមកជាព៌ណលឿង និងមានសណ្ឋានទន់ៗ និងគ្រាប់ៗ
• ទារកលូតលាស់ត្រឹមត្រូវតាមស្ដង់ដារបស់អង្គការសុខភាពពិភពលោក

ក្នុងករណីម៉ាក់ប៉ាសង្កេតឃើញកូនមានការលូតលាស់យឺតយ៉ាវជាងស្ដង់ដា​ សូមនាំទារកទៅឆែកសុខភាពជាមួយគ្រូពេទ្យជំនាញ។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ