តោះ! មកស្វែងយល់ពីគុណសម្បត្តិនិងគុណវិបត្តិនៃការចិញ្ចឹមកូនបែបតឹងរឹង

ការអប់រំកូនៗអាចនឹងខុសគ្នាទៅតាមគ្រួសារនីមួយៗ។ លោកប៉ាអ្នកអាចជ្រើសរើសការអប់រំកូនតាមរបៀបជា ប៉ាម៉ាក់តឹងរឹង ឫ ប៉ាម៉ាក់ដែលធូររលុង អាស្រ័យទៅតាមការសម្រេចចិត្តរបស់លោកប៉ាអ្នកម៉ាក់។ ចុះរាល់ថ្ងៃ លោកអ្នកប៉ាអ្នកម៉ាក់សង្កេតឃើញខ្លួនឯងចិញ្ចឹមកូនតាមរបៀបណាដែរ?

សញ្ញាខាងក្រោមនេះជាសញ្ញាបញ្ជាក់ថាប៉ាម៉ាក់ជាលោកប៉ាអ្នកម៉ាក់តឹងរឹង (Tiger Parents):

• រំពឹងការរៀនបានលេខល្អពីកូន
• ដាក់ពិន័យធ្ងន់ធ្ងរករណីកូនធ្វើខុសអ្វីមួយ
• ឱ្យតម្លៃលើស្ដង់ដាខ្ពស់ ជាជាងចំណង់ចំណូលចិត្តរបស់កូន (ឧ.កូនចង់ធ្វើជាអ្នកលេងហ្គេមអាជីពតែប៉ាម៉ាក់ចង់ឱ្យកូនក្លាយជាវេជ្ជបណ្ឌិត)
• មានវិន័យនិងច្បាប់ទំលាប់តឹងរឹងលើការលេងកំសាន្ត
• ក្មេងខ្លាចក្នុងការប្រាប់អារម្មណ៍ពួកគេមកកាន់លោកប៉ាអ្នកម៉ាក់
• គម្លាតឆ្ងាយរវាងកូននិងប៉ាម៉ាក់។

គុណសម្បត្តិនៃការចិញ្ចឹមកូនតាមបែបតឹងរឹង៖

• ក្មេងមានវិន័យលើខ្លួនឯង
• ក្មេងអាចស្វែងរកឃើញចំណុចខ្លាំងរបស់ខ្លួន
• មានទំនួលខុសត្រូវនិងពូកែធ្វើការ
• ជួយឱ្យជោគជ័យលើគោលដៅរបស់គេ
• ជួយឱ្យក្មេងរៀនពូកែ
• មានឯករាជ្យភាពលើហិរញ្ញវត្ថុនិងលើខ្លួនឯង។

គុណវិបត្តិនៃការចិញ្ចឹមកូនតាមបែបតឹងរឹង៖

• កូនមានអារម្មណ៍ថាមានសម្ពាធនិងមានបន្ទុកខ្លាំង
• បង្កើនភាពភ័យខ្លាចក្នុងការបង្កើតកំហុស និងការទទួលពិន័យណាមួយ
• ប្រឈមនឹងជំងឺផ្លូវចិត្ត៖ ជំងឺថប់អារម្មណ៍ ជំងឺបាក់ទឹកចិត្ត ជំងឺចង់ឱ្យល្អឥតខ្ចោះជាដើម
• មានការរារាំងក្នុងការលូតលាស់ និងច្នៃប្រឌិត
• ពិបាកក្នុងការដោះស្រាយលើវិបត្តិផ្លូវចិត្ត (poor coping skills)
• ផលប៉ះពាល់លើផ្នែកប្រាជ្ញាស្មារតី ផ្លូវអារម្មណ៍ និងទំនាក់ទំនងសង្គម។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ