ទាំងនេះជាហេតុផលដែលអាណាព្យាបាលមិនគួរ ពន្យារពេលផ្ដល់អាហារចាប់កាន់ដល់ទារក

នៅអាយុប្រមាណជា៩ខែ ទារកតូចៗភាគច្រើនអាចញ៉ាំអាហារចាប់កាន់បាន (finger foods)។

ចុះធ្វើយ៉ាងណាទើបដឹងថាទារកមានភាពរួចរាល់ក្នុងការញ៉ាំអាហារចាប់កាន់ (finger foods)?

អ្នកអាចសង្កេតឃើញទារកមានភាពរួចរាល់ក្នុងការញ៉ាំអាហារចាប់កាន់ដូចជា៖

• គាត់ព្យាយាមចាប់នេះចាប់នោះជុំវិញខ្លួនគាត់ ដូចជាស្លាបព្រា ចាន ឫ អាហារ
• អាចអង្គុយនឹង។

អ្វីទៅជាអាហារចាប់កាន់ដំបូងដែលអ្នកគួរផ្ដល់ដល់កូនតូច?

អាហារចាប់កាន់ដំបូងដែលអ្នកគួរផ្ដល់ដល់ទារកគួរតែជាប្រភេទអាហារដែលតូច ទន់ និងងាយស្រួលត្រដុសនឹងអញ្ចាញ ដោយសារទារកភាគច្រើនមិនទាន់ដុះធ្មេញ (ឫ មិនទាន់ដុះធ្មេញច្រើន)។ អញ្ចាញរបស់គាត់រឹងមាំនិងអាចត្រដុសជាមួយអាហារទន់ៗទាំងនោះបាន។

អាហារចាប់កាន់អាចជា៖

• នំបុ័ង និង នំ muffins
• ផ្លែប៊ឺរដែលហាន់តូចៗរួច
• ពងទាក្រឡុកដែលចិតតូចៗ
• ស្ពៃប្រូខូលីដែលចំអិនរហូតដល់ទន់
• ផ្លែឈើទន់ៗ
• ផាស្ដា
• បន្លែផ្លែឈើចំហុយ
• សណ្ដែក (ចំអិនរហូតដល់ឆ្អិននិងកិនម៉ត់) ។

សូមប្រាកដថាអាហារចាប់កាន់ទាំងនេះមានលក្ខណៈទន់ និងកាត់ជាចំណិតតូចៗដើម្បីបញ្ចៀសការឆ្លាក់។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ