សង្ខេបបម្រែបម្រួលនានារបស់ស្រ្តីមានផ្ទៃពោះទៅតាមសប្ដាហ៍នីមួយៗ

ការលូតលាស់របស់ទារកក្នុងផ្ទៃ ប្រៀបប្រដូចទៅនឹងមហោសច្ចារ្យមួយនឹកស្មានមិនដល់។ ពីមួយសប្ដាហ៍ទៅមួយសប្ដាហ៍ ទារកក្នុងផ្ទៃមានការលូតលាស់ជាច្រើនឥតឧបមា។ ខាងក្រោមនេះជាការស្វែងយល់បន្ថែមពីការលូតលាស់នានាទៅតាមសប្ដាហ៍របស់ទារកក្នុងផ្ទៃ៖

០ ដល់ ៨សប្ដាហ៍

• ស្រ្តីអាចធ្វើតេស្ដមានគក៌តាំងពីថ្ងៃទី១នៃការបាត់រដូវ
• ករណីស្រ្តីដឹងថាមានគក៌ សូមប្រញាប់ទៅជួបជាមួយគ្រូពេទ្យជំនាញ
• ស្រ្តីអាចប្រែប្រួលទៅជាអស់កម្លាំង ឈឺ ឫ មានបញ្ហារាងកាយផ្សេងៗ
• ចាប់ផ្ដើមញ៉ាំវីតាមីន B9 (Folic Acid) ឱ្យបានយ៉ាងតិច 400mcg ក្នុងមួយថ្ងៃ

៨ ដល់ ១២សប្ដាហ៍

• ចន្លោះពេលនេះ គ្រូពេទ្យអាចនឹងវាស់កម្ពស់ ថ្លឹងគីឡូ និងគណនាសន្ទស្សន៍ម៉ាសរាងកាយ (BMI)របស់ស្រ្តីមានផ្ទៃពោះ
• គ្រូពេទ្យនឹងសាកសួរប្រវត្តិសុខភាពស្រ្តី និងស្វាមីដែលវាជួយឱ្យដឹងអំពីជំងឺដំណរពូជ
• ទទួលបានការពិនិត្យអេកូដើម្បីស្វែងរកភាពប្រក្រតី ភាពមិនប្រក្រតី និងចំនួនកូនក្នុងផ្ទៃ
• ដឹងអំពីថ្ងៃសម្រាល និងវិធីជួយឱ្យស្រ្តីពរពោះប្រកបដោយសុខភាពល្អ
• នៅត្រឹមសប្ដាហ៍ទី១២ ភាគច្រើននៃសរីរាង្គកាយទារកលូតលាស់ពេញលេញទាំងសាច់ដុំ សរសៃពួរ ឆ្អឹង និងសរីរាង្គភេទ
• ទារកចាប់ផ្ដើមមានចលនា (តែស្រ្តីមិនទាន់មានអារម្មណ៍ដឹង)
• សូមកំណត់របបអាហារឱ្យបានត្រឹមត្រូវរហូតដល់ថ្ងៃសម្រាល។

១២ ដល់ ១៦សប្ដាហ៍

• សុដន់ស្រ្តីមានការប្រែប្រួល (រីកធំជាងមុន)
• លែងសូវចាញ់ដូចមុន
• សប្ដាហ៍ទី១៤ឡើង ចង្វាក់បេះដូងទារកចាប់ផ្ដើមលោតខ្លាំងជាងមុនដែលស្ត្រីអាចលឺអំឡុងពេលពិនិត្យអេកូ
• ខ្ទាតពោះខ្លាំងជាងមុន។

១៦ ដល់ ២០សប្ដាហ៍

• ចាប់ផ្ដើមមានអារម្មណ៍ថាទារកកម្រើកក្នុងផ្ទៃ
• ពោះខ្ទាតធំដែលទាមទារឱ្យស្រ្តីពាក់ខោអាវរលុងៗ
• មានកម្លាំងជាងមុន
• សូមព្យាយាមធ្វើលំហាត់ស្រាលឱ្យបានទៀងទាត់
• គ្រូពេទ្យអាចនឹងពិនិត្យលើសម្ពាធឈាមស្រ្តី និងតេស្ដទឹកនោមរកវត្តមានប្រូតេអ៊ីន (ដើម្បីកំណត់សញ្ញានៃវិបត្តិបម្រុងក្រឡាភ្លើង)
• ក្នុងករណីស្រ្តីខ្វះគ្រាប់ឈាមក្រហម គ្រូពេទ្យអាចនឹងណែនាំឱ្យបន្តញ៉ាំគ្រាប់ថ្នាំជាតិដែក
• ការពិនិត្យអេកូនៅចន្លោះសប្ដាហ៍ទី១៨-២០ (anomaly scan) ជាការពិនិត្យផ្ដោតជាសំខាន់លើសរីរាង្គកាយទារកលូតលាស់បានត្រឹមត្រូវឫអត់ ក៏ដូចជាស្វែងរកបន្ថែមលើជំងឺតំណរពូជពីកំណើត៖
  • ជំងឺបេះដូង
  • ខួរក្បាល ក និងឆ្អឹងកងខ្នង
  • តម្រងនោម និងប្លោកនោម
  • ដៃ និងជើង
  • បបូរមាត់ ចង្ការ ច្រមុះ ភ្នែក និងមុខ
  • សួត និងទ្រូង
  • ក្រពះពោះវៀន
  • ចង្វាក់បេះដូងទារក (ខុសធម្មតាឫអត់)
  • ទងសុកថាឈាមរត់បានស្រួលឫអត់ ហើយភ្ជាប់បានត្រឹមត្រូវទៅនឹងសុកឫទេ
  • ពិនិត្យលើសុកថាមិនរុំព័ទ្ធ ឫ បិតលើមាត់ស្បូនទេ (placenta previa)
  • ពិនិត្យលើស្បូន ក្រពេញអូវ៉ារី និងទឹកភ្លោះ
  • វាស់បរិមាណទឹកភ្លោះ។
• ក្នុងអំឡុងពេលនេះទារកមានការលូតលាស់លឿនខ្លាំង ស្រ្តីអាចមើលឃើញមុខទារកច្បាស់ជាងមុន និងអាចមើលឃើញ ចិញ្ចើម និងរោមភ្នែកដុះច្រើនជាងមុន

២០ ដល់ ២៥សប្ដាហ៍

• ស្បូនរីកធំជាងមុនដែលធ្វើឱ្យស្រ្តីកាន់តែមើលទៅដូចអ្នកមានផ្ទៃពោះ
• ស្រ្តីអាចនឹងឃ្លានជាងមុន

២៥សប្ដាហ៍

• ទារកកម្រើកញឹកញាប់ និងអាចឆ្លើយតបនឹងសម្លេងនិងការប៉ះលើពោះម្ដាយ
• ប្រសិនជាកូនដំបូង គ្រូពេទ្យអាចនឹងធ្វើការវាស់ទំហំស្បូន សម្ពាធឈាម និងតេស្ដទឹកនោមរកមើលវត្តមានប្រូតេអ៊ីន (វត្តមាននៃវិបត្តិបម្រុងក្រឡារភ្លើង)

២៨សប្ដាហ៍

• សរីរាង្គទារកលូតលាស់ពេញលេញ (តែទំហំទារកនៅតូច)
• ស្រ្តីអាចនឹងអស់កម្លាំងជាងមុន
• វាស់ទំហំស្បូន
• វាស់សម្ពាធឈាម
• តេស្ដទឹកនោមរកមើលវត្តមានប្រូតេអ៊ីន (វត្តមាននៃវិបត្តិបម្រុងក្រឡារភ្លើង)

៣១សប្ដាហ៍

• វាស់ទំហំស្បូន
• មើលទារកបង្វិលក្បាលចុះក្រោមឫនៅ
• វាស់សម្ពាធឈាម
• តេស្ដទឹកនោមរកមើលវត្តមានប្រូតេអ៊ីន (ថាមានវត្តមាននៃវិបត្តិបម្រុងក្រឡារភ្លើងឫទេ)

៣៤សប្ដាហ៍

• ទទួលបានព័ត៌មាន និងការណែនាំឱ្យត្រៀមខ្លួនសម្រាប់ការសម្រាល
• ស្រ្តីអាចនឹងអស់កម្លាំងច្រើន
• ពេទ្យណែនាំឱ្យសម្រាកឱ្យបានគ្រប់គ្រាន់
• បម្រែបម្រួលនៃស្បូន (កន្ត្រាក់ពីមួយពេលទៅមួយពេល)

៣៦សប្ដាហ៍

• សូមត្រៀមលេខទូរស័ព្ទពេទ្យឱ្យបានត្រឹមត្រូវ (ក្នុងករណីឈឺពោះដោយចៃដន្យណាមួយ)
• គ្រូពេទ្យជំនាញអាចនឹងណែនាំអំពី របៀបនៃការបំបៅបានត្រឹមត្រូវ វិធីថែទាំទារកទើបកើត វិបត្តិធ្លាក់ទឹកចិត្តក្រោយសម្រាលជាដើម
• វាស់ទំហំស្បូន
• មើលទារកបង្វិលក្បាលហើយឫនៅ
• វាស់សម្ពាធឈាម
• តេស្ដទឹកនោមរកមើលវត្តមានប្រូតេអ៊ីន (វត្តមាននៃវិបត្តិបម្រុងក្រឡារភ្លើង)
• ការគេងអាចនឹងពិបាកជាងមុន។

៣៨សប្ដាហ៍

• ស្រ្តីអាចនឹងឆ្លងទន្លេនូវចន្លោះសប្ដាហ៍ទី៣៨ ដល់៤២
• គ្រូពេទ្យនឹងណែនាំអំពីជម្រើសក្នុងការសម្រាល ក្នុងករណីដែលការពរពោះលើសពី៤១សប្ដាហ៍
• ពិនិត្យស្បូន
• វាស់សម្ពាធឈាម
• តេស្ដទឹកនោមរកមើលវត្តមានប្រូតេអ៊ីន (វត្តមាននៃវិបត្តិបម្រុងក្រឡារភ្លើង)
• សូមប្រញាប់ទាក់ទងទៅពេទ្យភ្លាមៗករណីស្រ្តីមានបម្រែបម្រួលណាមួយខុសប្រក្រតី

៤០-៤១សប្ដាហ៍

• គ្រូពេទ្យនឹងណែនាំអំពីជម្រើសក្នុងការសម្រាល ក្នុងករណីដែលការពរពោះលើសពី៤១សប្ដាហ៍
• ពិនិត្យស្បូន
• វាស់សម្ពាធឈាម
• តេស្ដទឹកនោមរកមើលវត្តមានប្រូតេអ៊ីន (វត្តមាននៃវិបត្តិបម្រុងក្រឡារភ្លើង) ។

ឯកសារយោងៈ

NHS, the pregnancy book, your complete guide to a healthy pregnancy, labour, childbirth and thee first weeks with your new baby.

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ