ចង់ឆាប់មានបុត្រ ប៉ាៗក៏ត្រូវចូលរួមចំណែកថែទាំសុខភាពដែរ!
សុខភាព និងអាយុរបស់បុរសក៏អាចជះឥទ្ធិពលដល់អត្រានៃការមានផ្ទៃពោះ ក៏ដូចជាសុខភាពរបស់ទារកក្នុងពេលអនាគតដែរ។
ខាងក្រោមនេះ ជាគន្លឹះងាយៗជួយឱ្យបុរសមានសុខភាពល្អ និងឆាប់មានបុត្រ៖
- រក្សាគីឡូក្នុងកម្រិតស្ដង់ដា ព្រោះការលើសទម្ងន់អាចធ្វើឱ្យមេជីវិតឈ្មោលមានសុខភាពខ្សោយដែលធ្វើឱ្យពិបាកមានកូន
- បញ្ឈប់ការជក់បារី
- កាត់បន្ថយ ឫ បញ្ឈប់ការសេពគ្រឿងស្រវឹង
- បញ្ចៀសការប៉ះពាល់ជាមួយសារធាតុគីមី
- ឆាប់យកកូននៅមុនអាយុ៤០
- បញ្ចៀសការងូតទឹកក្ដៅឧណ្ហៗ ឫ ការ Spa យ៉ាងហោចណាស់៣ខែមុនមានកូន
- ហាមយកកុំព្យូទ័រដាក់លើភ្លៅ
- ស្លៀកខោក្នុងរលុងៗ
- ឆែកមើលជំងឺប្រចាំកាយដូចជា ជំងឺលើប្រព័ន្ធបន្តពូជ ដែលអាចធ្វើឱ្យបុរសអារ
- ការឆែកជំងឺលើប្រព័ន្ធបន្តពូជអាចជួយកាត់បន្ថយការចម្លងមេរោគដល់ដៃគូរ និងកូនរបស់អ្នក
- បញ្ចៀសឱសថមួយចំនួនដូចជាពពួក Steoroids ។
បុរសអាចផលិតមេជីវិតឈ្មោលដល់អាយុ៧០ប្លាយ តែគុណភាពមេជីវិតអាចចុះខ្សោយនៅពេលអាយុកាន់តែកើន។ បុរសអាយុលើសពី៤០ឡើង អាចមានមេជីវិតដែលមានសុខភាពល្អតិចជាងអ្នកដែលមានអាយុក្មេងៗ។ ប្រសិនជាបុរសអាយុលើសពី៤៥ឆ្នាំឡើង ដៃគូអ្នកអាចនឹងប្រើពេលយូរក្នុងការមានគក៌ ហើយស្រ្តីអាចងាយប្រឈមនឹងការរលូតកូន។
លោកប៉ាដែលមានវ័យចំណាស់ ក្នុងករណីកម្រអាចធ្វើឱ្យកូនប្រឈមនឹងជំងឺអូទីហ្ស៊ឹម ឫ បញ្ហាផ្លូវចិត្តដូចជា ជំងឺ schizophrenia បើធៀបនឹងលោកប៉ាដែលមានវ័យក្មេង។
រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន
- ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
- បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ
