គន្លឹះទាំងនេះ ជួយកាត់បន្ថយការឈឺសុដន់របស់ម៉ាក់ៗក្រោយសម្រាលកូនរួច

ក្រោយសម្រាលកូនរួច នៅពេលម្ដាយមិនបានបំបៅដោះកូនទាន់ពេល ឫ ជ្រើសរើសការចិញ្ចឹមកូនដោយទឹកដោះផ្សេងៗ វាអាចធ្វើឱ្យសុដន់ម្ដាយឡើងចាល់ទឹកដោះ ហៀរទឹកដោះ ឡើងធំ និងធ្ងន់ជាងមុន។ ទឹកដោះដែលពេញណែនក្នុងសុដន់ម្ដាយ អាចបង្កឱ្យស្រ្តីប្រឈមនឹង៖

• ការស្ទះទឹកដោះ (លៀសដោះ)
• ក្ដៅស្រៀវស្រាញ
• ហើម
• និងធ្វើឱ្យម្ដាយឈឺចុកចាប់ខ្លាំង

ក្នុងករណីដែលស្រ្តីជួបប្រទះនឹងវិបត្តិទាំងនេះ អ្នកអាចកាត់បន្ថយអាការៈតាមរយៈ ៖

• ច្របាច់ទឹកដោះចេញមកខាងក្រៅ (បូមដោយដៃ ឫ ម៉ាស៊ីន)
• ស្អំជាមួយរបស់ត្រជាក់ (ដុំទឹកកក ដុំជែលត្រជាក់ ឫ បន្លែដែលដាក់ក្លាសេត្រជាក់)
• ញ៉ាំថ្នាំបំបាត់ការឈឺចាប់ដែលណែនាំដោយគ្រូពេទ្យ

ប្រសិនជាអាការៈខាងលើមិនបានធូរស្បើយ ឫ ស្រ្តីចាប់ផ្ដើមវិវត្តន៍រោគសញ្ញាផ្សេងៗដូចជាគ្រុនផ្ដាសាយ ក្ដៅខ្លួន ឈឺកាន់តែខ្លាំង សុដន់ឡើងក្រហម សូមប្រញាប់ទៅជួបគ្រូពេទ្យជំនាញជាបន្ទាន់។

Ref: Formula feeding your baby, Region of Waterloo, Public Health and Emergency Services

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ