កុំញ៉ាំអាហារទាំងនេះ ក្នុងអំឡុងពេលបំបៅកូនដោយទឹកដោះម្ដាយ

ក្នុងពេលបំបៅកូនដោយទឹកដោះម្ដាយក៏មិនសូវខុសពីពេលពរពោះដែរ​ ស្រ្តីត្រូវប្រុងប្រយ័ត្នលើអាហារដែលអ្នកញ៉ាំចូលទៅព្រោះវាអាចបង្កគ្រោះថ្នាក់ដល់កូនអ្នកដោយមិនខ្លួន។

អាហារទាំងនោះមានដូចជា៖

• គ្រឿងស្រវឹងៈ ស្រា ស្រាក្រឡុក ប៊ីយែរ និងគ្រឿងស្រវឹងដទៃទៀត អាចផ្ដល់នូវជាតិអាល់កុលចូលក្នុងរាងកាយទារកតាមរយៈទឹកដោះម្ដាយដែលប៉ះពាល់ដល់ប្រព័ន្ធប្រសាទ និងការលូតលាស់រាងកាយរបស់ទារក

• ជាតិកាហ្វេអុីនៈ ជាតិកាហ្វេអុីនអាចចូលក្នុងរាងកាយទារកតាមរយៈទឹកដោះម្ដាយ ដែលវាអាចប៉ះពាល់ដល់ការលូតលាស់របស់ទារក។ ជាតិកាហ្វេអុីនអាចមានក្នុងតែ កាហ្វេ សូកូឡា​ ភេសជ្ជៈប៉ូវកម្លាំងនិង ឱសថមួយចំនួន

• ត្រីឆ្លាម និងត្រីសមុទ្រមួយចំនួន៖ ត្រីទាំងនេះសម្បូរនូវជាតិពុលមួយប្រភេទគឺ បារត។ បារតអាចប៉ះពាល់ដល់ការលូតលាស់ខួរក្បាលទារក

• ឱសថមួយចំនួន៖ ឱសថមួយចំនួនអាចមានសារជាតិប៉ះពាល់ដល់ការលូតលាស់របស់ទារក។ ដូចនេះមុននឹងប្រើប្រាស់ឱសថណាមួយ សូមសាកសួរ ឫ ពិគ្រោះជាមួយគ្រូពេទ្យជំនាញជាមុនសិន។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ