ទារកអាយុ២ខែមានការលូតលាស់លើអ្វីខ្លះ?

ការធំធាត់ពីមួយដំណាក់កាលទៅមួយដំណាក់កាល ប្រកបដោយសុខភាពល្អ ជាសេចក្ដីសុខយ៉ាងធំធេងរបស់លោកប៉ាអ្នកម៉ាក់។ ក្នុងវ័យ២ខែនេះ អ្នកអាចឃើញទារកមានការលូតលាស់លើផ្នែកផ្សេងៗ ដូចជា៖

ជំនាញផ្នែកចលនា

• ក និងក្បាលទារករឹងជាងមុន
• មានចលនាច្រើន៖ ទារកអាចកន្រ្តាក់ដៃជើងបានល្អជាងមុន
• ដៃ៖ ចេះក្ដាប់ ឫ លារដៃ ឫ អាចបក់ដៃហៅអ្នក
• ហៀរទឹកមាត់ជាងមុន​៖ វ័យ២ខែនេះ ជាវ័យដែលក្រពេញទឹកមាត់ទារកចាប់ផ្ដើមដំណើរការ ដែលអាចធ្វើឱ្យទារកហូរទឹកមាត់ច្រើន

ការលូតលាស់លើផ្នែកញាណ

• ស្ដាប់បានប្រសើរជាងមុន
• មើលឃើញជាងមុន
• ងាករកអ្វីមួយដែលប៉ះរាងកាយគេ
• មានការលូតលាស់លើញាណនៃការប៉ះ

ការលូតលាស់លើផ្នែកបញ្ញាស្មារតី

• ចាប់ផ្ដើមចេះញញឹម
• ស្គាល់មុខបានប្រសើរជាងមុន
• ចេះបង្ហាញអារម្មណ៍ធុញទ្រាន់

ការលូតលាស់លើផ្នែកភាសា

• សម្លេងស្រែករាងច្បាស់ជាងមុន
• អ្នកអាចបង្រៀនគេ ជាមួយពាក្យ ប៉ាៗ ម៉ាក់ៗ ម៉ាៗជាដើម
• ព្យាយាមនិយាយទៅកាន់ទារកនូវពាក្យមួយៗ និងយឺតៗ
• ព្យាយាមធ្វើត្រាប់តាមទឹកមុខរបស់ទារក និងញញឹមដាក់គេ ដែលជួយឱ្យការទំនាក់ទំនងរបស់ទារកកាន់តែល្អប្រសើរជាងមុន

អ្វីដែលអាណាព្យាបាលគួរព្រួយបារម្ភ

• ទារកមិនអាចយកដាក់ដៃមាត់
• ទារកមិនប្រតិកម្មលើសម្លេងលឺៗ ឫ សម្លេងរំខាន
• ទារកមិនចេះផ្ដោតកែវភ្នែកលើអ្វីមួយ
• ទារកមិនញញឹមដាក់នរណាម្នាក់ ឫ អ្នកដែលគេស្គាល់

ទារកមិនចេះងើយ ក ពេលគេងផ្កាប់។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ