ស្វែងយល់ពីវដ្ដរដូវស្រ្តី និងឱកាសក្នុងការមានផ្ទៃពោះ

• វដ្ដរដូវរបស់ស្រ្តីពេញវ័យ

មេជីវិតញី ត្រូវបានបញ្ចេញចំនួនមួយពីក្រពេញអូវ៉ារីរបស់ស្រ្តីពេញវ័យជារៀងរាល់ខែ។ មានម្ដងម្កាល មេជីវិតញីអាចបញ្ចេញលើសពីមួយក្នុងខែណាមួយនៃវដ្ដរដូវស្រ្តី។ ក្នុងពេលតែមួយ ផ្ទៃនៃស្បូនចាប់ផ្ដើមឡើងក្រាស់ ហើយទឹករំអិលក្នុងមាត់ស្បូនចាប់ផ្ដើមឡើងស្ដើង ដែលវាជួយឱ្យមេជីវិតញីអាចហែលឆ្លងកាត់បានយ៉ាងងាយស្រួល។

មេជីវិតញីចាប់ផ្ដើមធ្វើដំណើរយឺតៗទៅកាន់បំពង់ដៃស្បូន។ ប្រសិនជាស្រ្តី និងដៃគូទើបរួមដំណេកហើយថ្មីៗ មេជីវិតញីនឹងបង្កកំណើតជាមួយមេជីវិតឈ្មោល។

ក្នុងករណីមានផ្ទៃពោះ ភ្នាសនៃស្បូនឡើងក្រាស់សម្រាប់ឱ្យស៊ុតញីដែលបង្កកំណើតរួចទៅតភ្ជាប់ជាមួយសាច់ស្បូន។

ក្នុងករណីដែលស៊ុតញីមិនត្រូវបានបង្កកំណើត វានឹងត្រូវបានបញ្ចេញចោលតាមឈាមរដូវ។

ឱកាសក្នុងការមានគក៌

ប្រសិនជាស្រ្តីនិងដៃគូរចង់បានកូន​​​​ សូមរួមដំណេក្នុងថ្ងៃ ឫ អំឡុងពេលស្រ្តីបញ្ចេញមេជីវិតញី​។ ការបញ្ចេញមេជីវិតញី គឺ១៤ថ្ងៃមុនថ្ងៃទី១នៃការមករដូវលើកក្រោយ។ វដ្ដរដូវជាទូទៅមានរយៈពេល២៨ថ្ងៃ តែវាអាចតិច ឫ លើសនេះអាស្រ័យទៅតាមសុខភាពស្រ្តី។  ដូចនេះក្នុងករណីដែលស្រ្តីមានវដ្ដរដូវ២៨ថ្ងៃ ស្រ្តីអាចនឹងបញ្ចេញមេជីវិតញីនៅថ្ងៃទី១៤ ហើយបើស្រ្តីមានវដ្ដរដូវ៣០ថ្ងៃ ការបញ្ចេញមេជីវិតនៅអំឡុងថ្ងៃទី១៦។
មេជីវិតញីអាចរស់នៅបាន១២ ទៅ ២៤ម៉ោងក្រោយបញ្ចេញរួច។ ដើម្បីអាចមានផ្ទៃពោះបាន គូស្វាមីគួររួមដំណេក២ទៅ៣ថ្ងៃអំឡុងពេលនេះ។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ