គន្លឹះសំខាន់ៗ ក្នុងការថែទាំទារកអាយុក្រោមមួយឆ្នាំឱ្យបានត្រឹមត្រូវ !!!
វ័យក្រោមមួយឆ្នាំ ជាវ័យដែលទារកមានការប្រែប្រួលច្រើននឹកស្មានមិនដល់សម្រាប់អាណាព្យាបាលថ្មីថ្មោង។ ការយកចិត្តទុកដាក់ និងការផ្ដល់អាហារូបត្ថម្ភបានត្រឹមត្រូវ ជារឿងដ៏សំខាន់ដែលអាណាព្យាបាលមិនគួរមើលរំលង។ ខាងក្រោមនេះជាគន្លឹះក្នុងការថែទាំទារកអាយុក្រោមមួយឆ្នាំឱ្យបានត្រឹមត្រូវ៖
បំបៅកូននូវទឹកដោះដំបូង និងបន្តបំបៅទឹកដោះម្ដាយរហូតដល់ទារកអាយុ២ឆ្នាំ ឫ លើស
- ផ្ដល់នូវអង់ទីគ័រដែលជួយដល់ការពង្រឹងប្រព័ន្ធការពាររាងកាយ និងការពារទារកពីជំងឺឆ្លងផ្សេងៗ
- អភិវឌ្ឍខួរក្បាល និងបង្កើនភាពឆ្លាតវាងវៃ
- បន្ថែមភាពជិតសិ្នទ្ធរវាងម្តាយនិងកូន តាមរយៈការប៉ះផ្ទាល់រវាងស្បែកម្ដាយ និងស្បែកទារក
- ជួយឲ្យទារកឡើងទម្ងន់ត្រឹមត្រូវទៅតាមអាយុ
- ការពារទារកពីការលើសទម្ងន់ជាដើម
ចាក់វ៉ាក់សាំងថ្នាក់ជាតិទាំង ១១មុខដល់ទារក និងកុមារ
- ចាក់វ៉ាក់សាំងទាំង១១មុខបានគ្រប់ដូស និងត្រឹមត្រូវតាមការកំណត់របស់ក្រសួងសុខាភិបាលជួយការពារពួកគេពីពិការភាព និងជំងឺឆ្លងធ្ងន់ធ្ងរ
ទារកគេងបានគ្រប់គ្រាន់
- សុខភាពរឹងមាំ មិនសូវឈឺ
- ជួយដល់ការលូតលាស់បានល្អ
- ឡើងទំងន់ លូតកម្ពស់ ជាងក្មេងដែលគេងបានតិច
រក្សាអនាម័យខ្ជាប់ខ្ជាន់
- សម្អាតសម្ភារៈទារកឱ្យបានស្អាត និងមានអនាម័យជាប់ជានិច្ច
- សម្អាតកន្លែងទារកគេង ខោអាវ ខ្នើយ កន្សែង សុដន់ម្ដាយ (ចំពោះទារកបៅទឹកដោះម្ដាយ)
- លាងសម្អាតដបទឹកដោះគោ (ចំពោះក្មេងបៅទឹកដោះគោ)
- ឧស្សាហ៍ប្តូរខោទឹកនោម
- ជ្រើសរើសផលិតផលដែលណែនាំសម្រាប់ប្រើលើទារក
- ជៀសវាងការប្រើផលិតផលសម្រាប់មនុស្សពេញវ័យមកប្រើលើក្មេងដែលអាចធ្វើឱ្យទារកងាយឈឺ និងមានជំងឺសើរស្បែក
ផ្ដល់អាហារបន្ថែមនៅវ័យ៦ខែឡើង
- ផ្ដល់បបរខាប់គ្រប់គ្រឿង បបរកំប៉ុង ឫ បន្លែ ផ្លែឈើដែលបានស្ងោរ និងកិនម៉ត់ពីលើទឹកដោះម្ដាយ ឫ ទឹកដោះគោ
កាត់បន្ថយនាំទារកទៅកន្លែងដែលមានមនុស្សច្រើន ឫ កន្លែងដែលមិនស្អាត
- ទារកតូចៗមានប្រព័ន្ធភាពស៊ាំមិនរឹងមាំដូចមនុស្សពេញវ័យឡើយ
- ទារកងាយប្រឈមនឹងជំងឺឆ្លងមួយចំនួនដោយមិនដឹងខ្លួន
- កាត់បន្ថយនាំទារកទៅកន្លែងដែលសំបូរមេរោគដូចជាមន្ទីរពេទ្យ ឫ កន្លែងដែលមានបណ្ដុំមនុស្សច្រើន។
ប្រភព៖
រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន
- ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
- បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ
