តិចនិកជួយកាត់បន្ថយការលេង ឫ គប់អាហាររបស់ទារក និងកុមារ!
ធម្មជាតិរបស់ទារក និងកុមារ គឺចង់ដឹង ចង់លឺ និងចង់ស្គាល់របស់ថ្មីៗ។ ពិតណាស់!ទោះអ្នកចង់ ឫ មិនចង់ អំឡុងពេលញ៉ាំអាហារ គេតែងចាប់កាន់ ឫ គប់អាហារដែលមានក្នុងដៃគេ។ អ្នកអាចកាត់បន្ថយការគប់ ឫ ការលេងអាហារតាមវិធីសាស្រ្តដូចខាងក្រោម៖
- ចិតអាហារជារាងទ្រវែង ឫ ដុំៗរួចឱ្យគេកាន់ដោយដៃជាជាងការប្រើស្លាបព្រា ឫ ចង្កឹះសម្រាប់ក្មេង ដែលវាផ្ដល់ភាពងាយស្រួលក្នុងការចាប់កាន់
- ប្រើចានដែលពិបាកដកចេញពីតុ ដែលវាជួយកាត់បន្ថយដល់ការរុញចានទម្លាក់ចោល
- បញ្ចុកកូនផងឱ្យគេញ៉ាំដោយខ្លួនឯងផង។ បើបញ្ចុកក្មេងសុទ្ធអាចធ្វើឱ្យក្មេងធុញ និងបោះអាហារដែលកំពុងញ៉ាំចោល
- ញ៉ាំអាហារជាមួយទារក និងកុមារ ដែលម៉ាក់ប៉ាអាចបង្ហាញពីរបៀបនៃការរក្សាឥរិយាបថ និងការញ៉ាំបានត្រឹមត្រូវនៅតុបាយ
- រៀបចំតុបាយឱ្យហើយ សឹមដាក់គេឱ្យញ៉ាំ ឫ ដាក់គេឱ្យញ៉ាំពេលឃ្លាន (លើកអាហារចេញពេលគេញ៉ាំរួច)
- បើកូនប៉ាម៉ាក់រាងធំដែរ ម៉ាក់ប៉ាអាចឱ្យគេជួយរៀបចំតុអាហារ ព្រោះវាជួយកាត់បន្ថយការបង្កភាពរញ៉េរញ៉ៃលើអ្វី ដែលគេបានរៀបចំ
- សរសើរក្មេងនៅពេលដែលគេព្រមញ៉ាំអាហារដោយមិនធ្វើឱ្យមានការប្រលាក់ច្រើន (ឧ. កូនម៉ាក់ពូកែណាស់ញ៉ាំអត់ប្រលាក់ខោអាវ)
- ព្យាយាមកុំស្ដីបន្ទោសក្មេង ដោយជំនួសដោយការនៅស្ងៀម និងរង់ចាំរហូតដល់គេញ៉ាំរួច (ការស្ដីបន្ទោសក្មេងភ្លាមៗ អាចធ្វើឱ្យគេមួរម៉ៅ រករឿងមិនចង់ញ៉ាំអាហារ)។
រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន
- ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
- បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ
