ពេលមានផ្ទៃពោះលឺតែគ្រូពេទ្យហៅពាក្យទងសុក សុក និងទឹកភ្លោះ តោះ! មកស្វែងយល់នូវអត្ថន័យនៃពាក្យទាំងនេះជាមួយគ្នា!!!
តួនាទីរបស់ទងសុក
- ទងសុកជាខ្សែភ្ជាប់ជីវិតរបស់ទារកក្នុងផ្ទៃទៅនឹងរាងកាយម្ដាយ។ ឈាមរត់ឆ្លងកាត់តាមទងសុកពីម្ដាយទៅកូនដើម្បីដឹកជញ្ជូនអុកស៊ីសែននិងអាហារូបត្ថម្ភទៅចិញ្ចឹមទារកក្នុងផ្ទៃ និងដឹកចេញវិញនូវកាកសំណល់ពីរាងកាយទារកមកវិញ។
តួនាទីរបស់សុក
- សុកភ្ជាប់ទៅនឹងជញ្ជាំងនៃស្បូនម្ដាយ និងតភ្ជាប់គ្នារវាងប្រព័ន្ធឈាមទារកនិងប្រព័ន្ធឈាមម្ដាយ។ ក្នុងសុក ខ្យល់អុកស៊ីសែន និងអាហារត្រូវបានដឹកជញ្ជូនចេញពីប្រព័ន្ធឈាមរបស់ម្ដាយចេញទៅកាន់ប្រព័ន្ធឈាមរបស់ទារកក្នុងផ្ទៃ (ដឹកជញ្ជូនតាមរយៈទងសុកនេះ)។ អង់ទីគ័រដែលជួយការពារទារកពីជំងឺឆ្លង ក៏ត្រូវបានដឹកជញ្ជូនពីម្ដាយទៅកាន់កូនតាមរយៈទងសុកនេះដែរ។ ជាតិអាល់កុល (សុរា) ជាតិនីកូទីន (បារី) និងជាតិថ្នាំផ្សេងៗក៏អាចចម្លងពីម្ដាយទៅកូនតាមរយៈទងសុកនេះដែរ។
តួនាទីរបស់ទឹកភ្លោះ
- ទារកក្នុងផ្ទៃស្ថិតក្នុងថង់ទឹកភ្លោះម្ដាយ។ អាចមុន ឫ អំឡុងពេលសម្រាល ថង់ទឹកភ្លោះនេះបែក និងហៀរចេញមកខាងក្រៅ ដែលយើងចំណាំហៅថា “បែកទឹកភ្លោះ” ។
ឯកសារយោងៈ
NHS, the pregnancy book, your complete guide to a healthy pregnancy, labour, childbirth and thee first weeks with your new baby.
រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន
- ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
- បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ
