អត្ថប្រយោជន៍នៃផ្លែត្រសក់ស្រូវសម្រាប់ទារកនិងកុមារ

ទារកអាចញ៉ាំផ្លែត្រសក់ស្រូវនៅអាយុ៦ខែឡើងទៅ។ ផ្លែត្រសក់ស្រូវសម្បូរនូវជីវជាតិជាច្រើនជួយដល់ការទ្រទ្រង់របស់ទារកនិងកុមារ ដូចជា៖

• ផ្ដល់នូវអាហារូបត្ថម្ភជាច្រើនប្រភេទ
  • សម្បូរជាតិវីតាមីន A ជួយការលូតលាស់សុខភាពស្បែក និងភ្នែក
  • សម្បូរជាតិវីតាមីន C ជួយជម្រុញប្រព័ន្ធការពាររាងកាយ និងជួយឱ្យរបួសឆាប់ជាសះស្បើយ
  • ជាតិហ្វូឡាតក្នុងផ្លែត្រសក់ស្រូវជួយការលូតលាស់កោសិកាគ្រាប់ឈាម និងការផលិត DNA
  • ជាតិប៉ូតាស្យូមជួយឱ្យឆ្អឹងលូតលាស់បានល្អ និងរក្សាតុល្យភាពនៃអេឡិចត្រូលីត្រក្នុងរាងកាយ
• ផ្ដល់នូវសារជាតិប្រឆាំងអុកស៊ីតកម្ម
  • ផ្ដល់នូវជាតិ Selenium,zeaxanthin, lutein, beta-carotene, vitamin A, និង vitamin C ជាសារជាតិប្រឆាំងអុកស៊ីតកម្ម និងជួយជម្រុញប្រព័ន្ធការពាររាងកាយរបស់ទារក និងកុមារ
• ជួយបញ្ចៀសការទល់លាមក
  • ផ្ដល់នូវជាតិទឹក និងជាតិសរសៃដែលជួយឱ្យក្មេងបត់ជើងបានទៀងទាត់។
• បំពេញជាតិទឹកដល់រាងកាយ
  • ផ្ដល់នូវជាតិទឹកខ្ពស់ជួយការទ្រទ្រង់រាងកាយ។

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ