អ្នកជំនាញបង្ហើបថា ការបង្រៀនកូនពីរភាសាកាន់តែជួយបង្កើនភាពឆ្លាតវៃរបស់កុមារ

ពិតណាស់! ការបង្រៀនកូនតូចៗឱ្យចេះនិយាយពីរភាសា ជួយដល់ការលូតលាស់ភាពឆ្លាតវៃ និងផ្នែកបញ្ញាស្មារតីរបស់កុមារ។ លើសពីនេះការបង្រៀនក្មេងពីរភាសា ក៏ជួយដល់៖

• ចេះចាប់យកនូវពាក្យស្រដៀងគ្នា
• ចេះចាប់យកពាក្យជាក្រុមបាន
• ដោះស្រាយបញ្ហាបានលឿន
• បង្កើនជំនាញក្នុងស្ដាប់
• អាចចាប់យកនូវពាក្យថ្មីៗបានលឿន
• អាចមានទំនាក់ទំនងជាមួយអ្នកនិយាយភាសាទី២នោះបានលឿន

តើយើងគួរបង្រៀនកុមារតាមរបៀបណា?

• អានសៀវភៅ អានសៀវភៅទាំងពីរភាសាឱ្យក្មេងស្ដាប់ និងឱ្យគេថាតាមដែលវាជួយឱ្យក្មេងឆាប់ចេះនិយាយ
• តន្រ្តី៖ បង្កើនទម្លាប់ស្ដាប់ចម្រៀងភាសាទី២ ជាប្រភេទបទដែលគាត់ចូលចិត្តដែលធ្វើបែបនេះជួយឱ្យគាត់រីករាយក្នុងការស្ដាប់ និងអាចចាប់បាននូវពាក្យថ្មីៗក្នុងចម្រៀងថែមទៀតផង
• មើលទូរទស្សន៍ ឫ កម្មវិធីដែលនិយាយភាសាទី២​ កម្មវិធីទាំងនោះមានការបង្រៀននូវការរាប់លេខ អក្សរ ពណ៌ និងពាក្យពេច៍មួយចំនួនដែលជួយឱ្យក្មេងឆាប់ចាប់បានភាសាទី២
• បង្រៀនឱ្យចេះនិយាយពីរភាសាតាំងពីនៅតូចៗ បង្ហាត់កូនអ្នកឱ្យនិយាយតាំងពីគាត់ទើបតែចាប់ផ្ដើមចេះនិយាយដំបូងៗ ដោយម៉ាក់ៗបង្រៀននិយាយភាសាទី១ ហើយប៉ាៗបង្រៀននិយាយភាសាទី២
• បង្កើតទម្លាប់ និងកាលវិភាគក្នុងការបង្រៀនភាសាទី២ កំណត់ពេលវេលាក្នុងការបង្រៀនប្រចាំថ្ងៃ ឫ ដាក់ឱ្យកូនអ្នកលេងនៅកន្លែងដែលមានអ្នកនិយាយភាសាទី២ច្រើន និងអាចរកគ្រូបង្រៀនបន្ថែម។​

រៀបរៀង និងត្រួតពិនិត្យដោយ៖ ឱសថការី ហាក់ ស្រីរ័ត្ន

• ឱសថការីឧត្តម ហាក់ ស្រីរ័ត្ន - ជាអ្នកជំនាញខាងផ្នែកអាហារូបត្ថម្ភ និងសុខភាពកុមារប្រចាំឱ្យក្រុមហ៊ុនទឹកដោះគោម្សៅ NutriGold
• បានបញ្ចប់ការសិក្សាពីសាកលវិទ្យាល័យអន្តរជាតិ ផ្នែកឱសថសាស្ត្រ និងមានបទពិសោធន៍ក្នុងផ្នែកសុខាភិបាលអស់រយៈពេលជាច្រើនឆ្នាំ